比較過好多嘅結婚酒會場地，到最後都揀左The Vow😉。因為佢哋嘅價錢合理💰，地點又係我哋想要嘅户外場地，最重要嘅係佢地嘅場地可以容納寵物❤️，所以我地就揀左The Vow 去擺wedding cocktails👍。 The Vow 嘅同事好nice😊 ，態度好專業💯。由最初接待我地到最後big day嘅banquet 同事都好好🌟。佢地對場地嘅安排同流程都好熟練，💯無論對於我哋嘅提問，或者婚禮流程嘅細節，都會好詳細咁講解俾我哋聽。

因為疫情關係，有好多突如其來嘅限聚措施，佢哋會主動follow up😉，話我哋知佢哋有咩應變方案，令到我哋好放心😆。由於我地big day個日嘅天氣真係好熱，工作人員好細心，會時刻關心我哋嘅身體狀況😊，又不停攞飲品俾我哋飲🍹。因為當日嘅天氣實在太熱，所以飲品唔係咁夠凍，如果喺食物嘅新鮮度同飲品溫度方面keep得好D嘅話，咁就更加好喇。十分感謝The Vow團體，令到我地嘅婚禮可以順利完成。😀