因為我本身都想有個海景做婚宴場哋嘅背景，然後Search資料嘅時候就搵到The Vow，我哋都有比較過其他，但係我同老婆都覺得其他裝修有啲舊，我哋想新少少又大自然感覺，最後就㨂咗The Vow。😌

當預約睇嘅時候我都分別係Website send email同WhatsApp度聯絡佢，後期個Sales就係Whatspp同eamil 覆我預約時間，但Email回覆就有啲慢。係睇場嘅時候，佢哋都好快咁解釋曬佢哋有嘅Plan同注意事項，然後就開咗個WhatsApp Group溝通，Hazie就負責我婚禮當日嘅同事，佢都好可靠。🤓

因為我婚禮係疫情期間，所以防疫規例都經常有調整，因為我哋錉禮當中都有個基督教儀式，而佢哋都非常之配合，我哋想乜要求，佢哋都會儘量幫我哋，前期都有試餐同幫我哋睇睇個Rundown👍。當日聽番幫手嘅兄弟姊妹都話酒店安排好順暢，我都完全無擔心佢哋會有任人何錯漏，整體都OK，食物方面表現都平均😎。但因為當日職員主要都撥咗去婚宴場地嗰邊，如果有1-2個同事係Ceremony嗰邊幫下手，我覺得會更好。

其中一部分我朋友有夾咗Live Band，我一開頭無未預計到表演部分，加上疫情方面，所以都幾複雜，但TheVow都儘量配會我哋，佢哋會提供唔同嘅音響設備，仲都提供咗唔同方案俾我，令我哋唔洗咁混亂。💫

係準備婚禮期間，政府有突然調整餐飲安排，我哋都好緊張，即刻同Hazie佢哋聯絡，佢都好快覆番我哋，叫我哋唔洗擔心，提我哋睇定啲相關嘅安排，佢咁快嘅嘅回覆令我哋好安心唔少。☺但當日係Reception部分未有同事同我哋講要Scan安心出行，變相有一個同事拎個Code，賓客就係宴會場地排隊掃Code，如果場地多啲Code做到分流效果會更好。🥸